Никто

Хатч Мэнселл — сырт көзге тыныш әрі елеусіз өмір сүріп жатқан қарапайым отағасы. Күндердің бір күнінде оның үйіне қарақшылар басып кіріп, барлық құндылықтарын алып кетеді. Жанұясын қорғауда дәрменсіз болып көрінген ол туыстары мен көршілерінің алдында абыройынан айырылады. Алайда ешкім де бұл жуас адамның өткен өмірінде арнайы қызметтің ең қауіпті агенті болғанын білмейтін еді. Бойындағы ыза мен кек оның бұрынғы қатыгез шеберлігін қайта оятады. Автобуста бейтаныс қызға араша түскен Хатч кездейсоқ қуатты мафия боссының бауырымен төбелесіп қалады. Енді ол өзінің өткенімен бетпе-бет келіп, қауіпті қылмыстық топқа қарсы нағыз қанды соғыс бастауға мәжбүр.